Zo Raetapaw Konglan
Min konglan
Zo Raetapaw cipaw tuh Zo te Raetapaw poudepaw ming ccang kheih thua zah, Zo tuh Chin(ခ်င္း) cipaw nynh a thua. Langmaw see te masaty konawpaw min nynh thua. Abang Zo mingphuin patae nynmah atu cia a mang ung hae. Chin cipaw min lah ung maw ze Zo cipaw hynh masaty te mangpaw min thua keiccuze atu zema mingphuin min takyh kya Zo cipaw min hynh patae a ung ung paw nynh thua. Bya loku khyh keiccuze abang tuh ccapyh a lae he. See rulaekuh thyhte konaw mah rulaekuh zah Zo kyate Chin cite a ko hae paw nynh thua.
Raetapaw tuh Vae bya te thaungzalat(ေတာင္ဇလပ္) nynh a thua. Zotung kyama konawpaw min patae a ung. Thuaslama Raetapaw tuh a lunghua nynh konawpaw min mah thua zah, khuaryng nungpaaw’ae nynmah a lah konaw ty hae paw min nynh thua.
Raetapaw konglan 1. Raetpaw hynh phing ning um zah, pawse te pawraw nynh a thua.
2. Raetapaw hynh a kuu neepaw thingkuh thua slama a ungnaw a hmin hynh do lanze a hanghuanaw mua kya nynh a ungthya.
3. Thingku’ae laku kya do lanze langkuhthya bua khyh slazema a paw oun paw tetuh a langkuhuapaw haetapaw te thingku lan oun tang.
Rynaw
1. Zo cipaw tuh Zo mingphuin ccungccaw kha enaw nynh thua.
2. Raetapaw tuh Zo mingphuin ae’ chiisaw te lungthing a langsakupaw lan thua zah;
a. Raetapaw pawse hynh mingphuin chiisaw(chise/lungthing) hoinawpaw kha langsakunaw elan thua.
b. Raetapaw pawraw hynh tuh a thyaapaw lungthing te a meepaw lungthing langsakunaw elan nynh thua.
Facebook Comments
