Zo Raetapaw 
Kentucky State, Grant County kya-e “Ark Encounter” khuuku (park) tuh Kriccaw te seekupaw khuuku (park) lante, July 7, 2016 kya hung thua zah, tuh e khuuku kya tuh abapi lante a nung hae paw tuh “Noah Sanphalung” (Noah’s Ark) nynh thua. Tuh e “Noah Sanphalung tuh Genesis Baebu ccaw kya-e Noah tuipayn ccia nin ze Noah nynh a sah paw sanphalung te a looku lante a sahbua hae paw nynh thua. A saepaw pee (feet) 510, a kopaw pee (feet) 85 cih zah, a hangpaw tuh pee (feet) 81 a cih. Tuh e kalang tuh a do ry paw miakaw halan ticket blyn Ark Encounter website kyate reeku kho a thua.
Noah Sanphalung lungkhu tuh Baebu Ccaw kya-e thyhte sarangpaw’ae kha a ccing kho nawte a nung hae. Sarangpaw’ae tuh a hiin paw hae thua khyh, a rae paw hae a zuh nynh thua. Noah Sanphalung lungkhu mah Baebu Ccaw kya-e hawte a looku lante, a khang kha patae a rih hae. Noah innbyn’ae umnaw khang te sarangpaw’ae umnaw khang cite patae a rih hae. Mikhia a pae hae paw halan kar (Car) nungnaw mah kar 4,000 a ccung lante a nungpya hae.
Tuh e Noah Sanphualung tuh 2010, December 1 nin te “Young Earth Creationism Group” kya-e “Aswers in Genesis“(Genesis kya-e Aphi’ae) aphu nynh Genesis Baebu ccaw kya-e thyh hawte ponsan sui hae zah a paccyngku hae paw nynh thua. LLC (company ccangkheih) aphu nynmah sahnaw kya bung zah, a cciakhaetupaw tuh “Answers in Genesis” founder thuapaw Ken Ham nynh thua. Noah Sanphalung sahnaw kya a thangpaw phua ablyn tuh $ 100 million a cih.
Noah Sanphalung hungnaw poi nin tuh July 7 (7/7) nin thua zah, July nin 7 nin a poo hae paw tuh, Genesis 7:7 te a looku lante a poo rary hae paw nynh thua. Tuh-e Genesis 7:7 kya tuh Noah te a zuu, a ccaaw’ae, a ccaaw zuu’ae, mih blyn te Sanphalung lungkhu lang a teenaw hae kya-e Baebu ccaw nanbah, Genesis 7:7Â nynh thua.
Ref:Â https://en.wikipedia.org/wiki/Ark_Encounter
http://www.cnn.com/2016/07/07/us/noahs-ark-kentucky/
