Zo Raetapaw 
Vae rang Pokunaw
(Election) kya kaw mue hae paw phu (5) nynh Accozah kha Kachin, Shan, Karen
rang ae’ kya a ccue hae paw vawsaw ccungccaw ae’ hanlan bungnaw a hoo cite nin
(3) nin khe a ngiaku hae. “Seinaw hoi leipaw khoccaw ae’ hynh rangri kya milu a ccaung lae vawsaw tung hae. Tuh e ae’ hynh ukkunaw kawbya thyhte do leite thawccinaw lungthing te bung lan a ccang” cite Chin Party kya secretary Slai Ceu Bik Thawng nynh a ho.
(Election) kya kaw mue hae paw phu (5) nynh Accozah kha Kachin, Shan, Karen
rang ae’ kya a ccue hae paw vawsaw ccungccaw ae’ hanlan bungnaw a hoo cite nin
(3) nin khe a ngiaku hae. “Seinaw hoi leipaw khoccaw ae’ hynh rangri kya milu a ccaung lae vawsaw tung hae. Tuh e ae’ hynh ukkunaw kawbya thyhte do leite thawccinaw lungthing te bung lan a ccang” cite Chin Party kya secretary Slai Ceu Bik Thawng nynh a ho.
Accozah nynh bya lan a ria hae ze thuasah a ria khyh hae ze thuasah Party ae’ nynh tuh bungnaw rae a hoo cipaw tuanaw te atu hawte bya a poukhae hae paw thua. Rangri kya rhawtuhkunaw te a ccue hae paw ccungccaw ae’ kha Vae Rang Journal ae’ kya zei
kho um khyh apiaze Accozah nynmah ccungccaw ae’ ny sah ry khyh hae.
kho um khyh apiaze Accozah nynmah ccungccaw ae’ ny sah ry khyh hae.
“Vae rang Journal ae’ kya vawsaw ccungccaw ae’ konglan muih lan um khyh, tuh keiccuze ccungccaw ae’ mah nyh khyh hae zah bungnaw mah pya kho khyh hae. Tuh keiccu
nynh thinglung cci lan myarya um” cite Slai Ceu Bik Thawng nynh bua a ho.
nynh thinglung cci lan myarya um” cite Slai Ceu Bik Thawng nynh bua a ho.
Taizintha Party ae’ nynh paccyngkunaw hae kha vawsaw bungtu aphu ae’ nynh tuh a duehaw hae. “Party ae’ paccyngkunaw hynh kae duehaw, thuaslama Accozah nynh tuh kaw oun pya cih cite tuanaw um khyh. Accozah nynh vae kheih sangmah bungnaw kya a thaethya khyh keiccu atu zema bungnaw oun pya cihpaw lo khyh” cite Kachin Bungnaw Aphu kya-e kaw hoitu Ko La Rih nynh a ho.
Nuhlang sah (2) lungkhu kawkunaw keiccu innloo ccuetaw hae paw a zyahua mihlu (17,521) cih zah, nintakyh te luh haw loukaw ccungccaw bua a lungchih.
Kachin rang kya vawsaw ccungccaw houhouh lung zah ahooyte a dooih hae paw ccungccaw a um khyh keiccuze ccihawnaw mah raryh lung vae cite Ko La Rih nynh a ho.
“Vueccuenaw hoi hae paw hynh kum (5) te a kawlang ihmua ae’ myarya lung. tuh koute ccaaw poii hae paw nung ae’ a lung keiccuze si(isei) te aepaw hynh myarya a bou” cite a ho.
Tuh e bungnaw ngiatu Taizintha ae’ Party (5) tuh; Shan National Democratic Party, Rakhan National Development Party(RNDP), Chin National Party (CNP), Mon Democracy Party te Karen Party ae’ nynh thua.
Facebook Comments
