Zo Raetapaw 
Kachin Baptist Convention(KBC) kuit kaw e a buu ae’ nynh ccyh kheih lungkhu Kachin rang daenaw hanlan sml 24 looh-ae sung te sawsang hae. Vae rang lungkhu blyng-e KBC a buu ae’ nynh July 10 nin ziraccyng sml 12:00 te July 11 nin ziraccyng sml 12:00 cia a paekuh lei lante looh-ae sung te sawsangnaw mang hae.
KIA te Vae rhawkaw kawkunaw hynh daenaw um kho nawlan, rang uktu hooypaw a pou kho nawlan te rhawtuhnaw keiccu vawsaw tungpaw khoccaaw ae’ hanlan cite, tuh e abapi ccang (3) te rang takyh kya umpaw KBS a buu ae’ nynh looh-ae sung te sawsang hae.
Kachin Independent Organisation (KIO) zongpi umnaw Hlaizar Myo kyate mah KIO zong takyh kya sawsangnaw mang leite na um lang khyh oh cite kaw pya hae. A saw sah kheih loukaw rhawtuhkunaw keiccuze Kachin ccungccaw ae’ mih loo-inn ccuetaw te a reekuh hae. Hlaizar Myo vawsaw tungpaw reekunaw zong kyatuh (10,000) lae a lung vae. Tanain Myo, Bamaw Myo, Myigyina Myo, Winmaw Myo te Sinbo Myo ae’ kya umpaw Kriccaaw beik-inn te Phungki sia-inn ae’ kya a reekuhpaw mah myarya a lung.
KIO te Vae rhawkaw ae’ daenaw mue kho nawlan June saw (30) nin khe hokheih hae slama Vae rang Rhawkaw zongpi kyate kaw uanaw/pyanaw um khyh keiccu, tuh e bya poukhaepaw hae mah marya rohpya hae. Tuh hawte rhawtuhnaw eih so keiccuze KBS a buu ae’ nynmah looh-ae sung te sawsangpaw hae thua.
