Zo Raetapaw ISIS kya lupi lang umpaw, cciakhaetu (Senior Leader) Tariq Al-Harzi tuh Vawzy Rhawkaw aphu (coalition airstrike) dynaw kyate phe chih vae. Nuhlang saw, Syria rang kya nynh phe chia hae cite U.S zung kya umpaw nynh a ho.
Tariq Al-Harzi tuh rhawkaw thawpaw’ae kha thuakhae hae zah, maethei te mangpaw uhccaw’ae miakaw blyn kha Iraq te Syria rang lan teekhaetu lante ryalaw lahtupaw nynh a thua.
Tunisia rangpaw, Al-Harzi tuh Syria rang, Shaddadi kya nynh nuhlang saw June 16 nin kya phe chia hae cite Davis nynh a ho.
U.S. State Department nynh Al-Harzi thongpa law khonaw hanlan US Dollar phua ccing sungthung ( $ 3 million) lahsung thua hae.
Facebook Comments
