Zo Raetapaw 
UAE rang kya khua eih raw khyh keiccuze myarya a so. Tuh keiccuze Dubai kya hynh eih so zah asopaw (temperature) 115°F laelang cia phe cih he.
A so paw a hoihua kho nawlan tuh ccungccaw thyahawnaw te raetua lang cite paccyngku hae zah, UAE rang e scientist hae nynh Drone kha mang te a ciitua hae. July 15 nin kya khe ciitua hae zah, Dubai Myo kya khe thawmaw te khua a rawsah kho hae. Khua kha eih lungtu keiccuze Khuatui Donaw Zong kyate raringkunaw cia bua a pya hae.
Tuh te Drone mang hae zah khua rawsah hae paw tuh chemical (sii) mang paw thua khyh keiccuze ccungccaw hae halan a seinaw um ngaw khyh cite ho hae.
Drone kha maeking umnaw vawlae lang zysah zah, electric Maethaw pyanawpaw (charged) te nynh maeking kha tui lang a tuisah hae. Drone kha maeking umnaw lang khe patae zysah hae zah khua kha a rawsah kho hae. Maeking patae bua oun um kho nawlan mah relih kyate electric mae te bua a zuaku hae.
Tuh hawte China te India mah khua kaanaw kya khua rawsah kho nawlan a zuaku mangccia cite a ho hae.
