Bomoo te Bogyi, Pali te Rhawkaw Maethei te Kawku hae

1. April 25 nin zete 9:00 pm lokaw, Mandalay rang, Mithila Myo kya Bomoo te Bogyi rhawboi hae hlu ning bya lung hae paw te maethei te Kawku hae.

Tuh e rhawboi hae hlu ning min tuh Mithila tazinn(battalion) (315) kya Bomoo Wa Na Thay te Mithila tazinn (99) kyate Bogyi Kaung Myat Ccuin nynh thua hae.

Mithila zei pe No. 2 Pali zong malang khe bya lung hae zah, Bomoo Wa Na Thay nynh pistol maethei te Bogyi paw kha a kaw. Bogyi Kaung Myat Ccuin tuh maw thaw te muih zah, Mithila Seizong lang khe a ky hae. Bomoo Wa Na Thay thang nynh thunginn lungkhu lang sinsung a khung ung hae.

“Bogyi Kaung Myat Ccuin tuh minthya te myarya a uhua paw nynh thua, arynglya sazaewon(doctor) paw theih mah amaw nynh thua, tuh koute Mithila Khazan(county) meepyanaw kya-e khuaboi paw kyng paw mah amaw nynh thua”, cite Mithila khuaccaaw hae nynh ho hae.

2. April 23 nin, zete sang, Zo rang, Hakha khua kyamah rhawkaw te Pali hae nynh kawku hae zah rhawkaw hlu ning chih hae, Pali abang mah maw muih hae cite khuaccaaw hae nynh ho hae.

3. April 25 nin, zete sang, Kazin pyine Kawhkreit Myo kya rhawkaw te Pali bya lung hae paw kyate mihmaw te mihmaw maethei te kawku hae zah Pali hlu kheih chih. Rhawkaw paw mah thaw te maw a muih.