REV. KHE HANG te REV. SA LANG kong

Rev. Khe Hang

Rev. Khe Hang a puinaw khua tuh Rezua khua nynh thua. Rev. Khe Hang tuh December 8, 1955, Hinthang khua, khuakhangnaw kyate tazae haw lang lah khang hae zah, Lungphialia khua kya lah um.  February 3, 1963, Senpi khua kya Rev. G. Johnson nynh (Rev. Lo Kung, Rev. Khe Hang te Rev. Tin Uk) hae kha Ordination lah pya hae.

Amaw hyn ZBA banaung balyn myarya lah ccythyapaw te phungpaw hae balyn, thokeinawpaw tyndaw hae balyn, a ccythyapaw nynh thua.  ZBA Golden Jubilee kyacia Pachia nynh dangnaw te lungpawnaw a pya ung.

Rev. Sa Ling

1942 kum, Rev. Sa Lang tuh Rev. Za Ling te Sakta khua kya phung(Baebu) te hlaw lah ccanku hae.  Tukoute Thantlang pee kya umpaw ‘Farawn Baptist Kriccaw Buu’ nynh sah kheih ze Ks.5  te lakhah lah pya hae zah Pachia ryalaw a lah tho.

Rev. Sa Lang tuh January 14-15, 1950, ZBC Meeting lya Hakha khua khe Ordination a mue. Zotung rang ninthua, ninccaw, thahlang te lialang balyn Rev. Lo Kung hoyku te kum kheih ze vaethum cci Pachia bya lah phy hae.   Zotung hae mah Pachia lah zyng maw hae tuh Pachia rya lahtu hae kha mih inn kya innccung lah thuasah khyh hae,  a vah sarya hae, a vah nuinse hae, aenia leite a um ccyh hae patae vah um. Atu nin e Zotung pastor’ae te Kriccaw piccan’ae balyn tuh Rev. Sa Lang ccacii nynh marya ah thua oh.  Lungngo Baptist Church nynh 1990 kum kya Sa Lang golden Jubilee a tuapya hae.  June 3, 1991 kya Pachia kya a phu-e vae.

(Syntaw: E ccaw hynh Pastor, Rev. Kaw Kung kyate ka mue paw nynh thua. Pastor paw tungvaw kyamah lungtuanaw aleepi ka hoy)

!!! Zotung Phungpaw (History) Kong Nyngchihpaw um ze biachih osih!!!