Zo Raetapaw 
Ecuador rang e zuvaw hlu ning hae tuh mih kum myarya sae vae zah, laephi vawlan ze mih kum saehuapaw mihlu kya a umbua hae. ‘Julio Ceasar Mora’ te a zu ‘Waldramina Maclovia Quinteros’ hae tuh zuvaw tangnaw kum 79 cih vae hae zah, zuvaw lang tangnaw hae kum tuh February 7, 1941 nynh thua. Zotung rang sou e hae hawte mih kum myarya saepaw um ung ngaw hae tou?
‘Julio Ceasar Mora’ tuh March 10, 1910 kya pui zah, atu a kum hynh 110 a cih vae, a zu ‘Quinteros’ tuh October 16, 1915 kya pui zah, atu kum October nin 16 nin tuh kum 105 oun cih vae ngaw. Mihmin hynh laephi vawlan ze zuvaw tangnaw kum a saehuapaw hae thua zah, mih kum mah a saehuapaw hae nynh thua cite a ho hae. Mih hlu nin te mih kum suilua lang thua ze kum 214 cih hae keiccuze mih kum saehuapaw zuvaw hae cite a ko vae hae.
Mihmin hlu nin tuh sia-inn khaw ccyh lya khe tungku hae zah, kum 7 cia a sungsahku kou hae te nynh zudynaw poi kha a mangku hae. Mih nungpaw hae nynh naw ccahpya khyh hae zah, mih hoiccaw hae route nynh a ruh langte zudynaw poi a raeku hae.
