Zo Raetapaw 
Masaty lang Mira paw (England) Col. Barn nynh Pu Zay Thang (Ccungsung paw) kha lah khia zah, Pu Zay Thang nynh lah khung paw tuh, “Bawipaw, rang rya eih lung cih zah, ka mihthya’ae balyn marya ccue vae ngaw hae zah, ka ry khyh” lah ci. Zotung rang kya tapalei sia-inn tuh February 8, 1926 kya, Col. Barn (Miraw) nynh Rezua khua lah pya hae. Thuasalama tuh e kum kya tuh lah nue hae zah, 1929 kyate sia-inn kae kha lah tho hae. Sayakyi lang masaty lah taangpaw tuh Sakyi Zam Bik, Sakta hae nynh a thua.
1927 kum kya Sia-inn la kaety hae paw tuh; Bawi Kung (Rezua), Phua Kung (Rezua),Van Bik (Rezua), Ccung Po (Ccungsung), Lae Pung (Ccawtui), Khe Kaw (Ccawtui), Lang Ki (Tingsi), Maung Ting (Sesii), te Khua Pyng (Khohtua) hae thua zah, hynh lae zemah a lung kho hae zah, ka nyng hae paw nynh ka syntaw/khung hae. 1927 Lungngo khua kya miraw nynh tangpalei sia-inn tuh nungki zah sayakyi lang a tangpaw tuh Sayakyi Sang Hnin, Sihmuh, Thantlang Pee hae nynh thua. Lungngo khua e tangpalei sia-ihmua tuh Rezua lang nynh ccamipoi lah phi hae.
Tukoute Khua Sung (Rezua) kha Mirapaw nynh,” Nang sou na ry tou?, lah ci zah, “bawipaw, ka ry, nae pyapaw miakaw tuh ka ry,” lah ci. Tukoute lah pya zah, sia-inn sah lanpaw kha Ccungsung, Rezua hae ryte lah sahkheih hae.
(Syntaw : E ccaw hynh Pastor, Rev. Kaw Kung kyate ka mue paw nynh thua. Pastor paw tungvaw kyamah lungtua aleepi ka hoy)
