Zo Raetapaw 
Masatylang Baebu sia-inn, siangbawi’ae nynh lah hung lya hae hynh kum kheitze lonaw naw sari, kum palei cia lah kae hae paw nynh athua.
1923 kum kya Rev. Dr. Cope nynh Tedim khua kya Tedim byate ccankunaw lah rae.
1923 kum kyate Rev. Dr. U. Strait nynh Baebu sia-inn tuh Hakha kya lah rae zah, tuin kya a kae hae paw Zotung’ae tuh; Paw Khoh Thawng, Paw Sa Lang, Paw Ku King, Paw Sa Ting, Paw Khe Hang, Paw Lo Kung, Paw Za Tou, Paw Ho Ki, Paw Kae Dawe, Paw To Uk, Paw Daw Kung, Paw Hoi Cin, Paw Khe Bawi, Paw Ca Thang te Paw Siang Inn thua hae zah, lu 14 lah cih hae.
Hynh e Baebu Sia-inn’ae tuh Janpan rhaw ccyh (1944 – 1945c kum) kyate lah hae-ungtaw vae hae. 1959 kum kyate Zomi Baptist Theological Bible School tuh Rev. Dr. G. Johnson nynh Falam khua kya a rae ki. Mirah byate ah ccansaku hae.
(Syntaw : E ccaw hynh Pastor, Rev. Kaw Kung kyate ka mue paw nynh thua. Pastor paw tungvaw kyamah lungtua aleepi ka hoy)
