Zo Raetapaw 
Rev. Lo Kung hynh Baebu sia-inn a kae mawte Rev. Sa Lang phung a honaw kya tyty lah cceihbua paw nynh lah thua. Amaw nynh hlaw lah ccan he hae zah, Rev. Sa Lang nynh Pachia bya lah ccan hae. Hlamphei Baptist Church nynh Ks. 1 te Pachia bya lah hosah hae. Baebu sia-inn kyate la rung te December 14, 1953, Hunglae khua khuakhangnaw kyate hlaw sazae lang lah khang hae.
Amaw hyn Hriphi Baptist Kriccaw buu nynh sah heih ze Ks. 2/- te lakhah lah pya hae paw nynh lah thua. Amaw hyn Hakha Bible School a kae koute Zomi Baptist Teological School kya bua lah kae ki. Tukoute Ccungsung A Baptist Church kya Pachia rya lahtu lang lah nung ki hae. Amaw hyn ZBA GS te E&M secretary cia oun lah haepya paw nynh lah thua.
Atu ZBA Golden Jubilee kyacia Pachia nynh a hiinnaw oun zuaapya ungpaw, paaw luh kheih nynh thua zah D.D cia oun muepya. Atu tuh Rezua khua kya nynh a um vae. (Syntaw: E ccaw hynh Pastor, Rev. Kaw Kung kyate ka mue paw nynh thua. Pastor paw tungvaw kyamah lungtuanaw aleepi ka hoy)
