
‘Kim Jong Un’ a bong khoiku koute a hiinnaw ccyh myarya thingphang um keiccuze Tahlu rang te a thyaapaw Sayawon hae kha ‘Kim Jong Un’ cciinaw dosah khylan North Korea lang a saw hae. A khoikunaw konglan mah thungpa pousah khyh hae zah, rang takyh nynh mah mih tuanaw, mih ruanaw patae pousah hae.
North Korea kya hynh rangccang e thungpa lahtu (news reporters) hae kha thungpa lawnaw khuin a pya khyh apiaze a rang lungkhu kya-e thungpa lahtu hae mah mih rynaw te patah pousahnaw khuin mue khyh hae. North Korea kya kawbya hynh eih a ru keiccuze phone te zema thungpa lah kho khyh hae, camera te zema a ru langte khingle khung kho khyh hae.
North Korea kya ukunaw konglan mah vate mah oun thua ngaw cite rang takyh nynh mah myarya a tua vae hae. Ukunaw thawpaw oun pou ngaw tah? Thua khyh ze na hy oun nuh ngaw tah? cite tuanaw mah patah pou?