Zo Raetapaw 
Vitamin C te D hynh Coronavirus cciinaw kheenaw kya myarya a thaw saesah cite USA, Oregon State University kyate a muih hae. Vitamin C te D hae tuh hraw lang eih um khyh apiaze hy suinaw ratharoi te a sekupaw ccaccangpaw cciinaw miakaw blyn a khe kho cite ho hae.
Oregon State University kyte ‘Adrian Gombart’ nynh Covid19 raeringkunaw kong lang a ho lya ze, kuih singkupaw, mung te naduh kawkupaw apiaze Vitamin C te D hae hynh mah Coronavirus kheenaw lang myarya a hoo a bypaw nynh thua cite ccungccaw zaepi kya a ho vae. Laephi vawlan hynh hy suinaw ratharoi cciinaw te a chih paw a lunghua hyhh Vitamin C te D a zya kheiccu nynh thua a cii.
‘Adrian Gombart’ tuh Oregon State University kya ze biochemistry and biophysics langte Professor hlu kheih nynh thua. Linus Pauling Institute kyama ccangkunaw ccungnaw kya ze cciakhaetu mah a thua. Cciinaw kheenaw kyaze Vitamin C te D tuh myarya a hoo paw nynh thua cti ‘Adrian Gombart’ nynh a ho.
Vitamin C te D tuh aepaw hae kyate mah patah a mueku kho. Nin takhyh aenaw zya mah thya myarya a hoo. Phing kheih sete patah ae leite aepaw a phing kha lungsah zetuh aepaw kyama Vitamin hae patah a pang cih. Vitamin C patah a pangpaw aepaw hae te Vitamin D patah a pangpaw aepaw kha online kyate zema na ccungku kho.
Vitamin C patah pangpaw aepaw hae sakhung,
Vitamin D patah a pangpaw aepaw hae sakhung,
