Zo Raetapaw 
‘Kim Jong Un’ a chih vae cite thungpa thang zah, ccungccaw patae nynh nuhlang lonaw kyate a ho vae hae. ‘Donald Trump’ nynh mah, ‘Kim Jong Un’ a khoiku koute chiinaw ciate a ccyh eih hoi khyh cite a ho. ‘Trump’ nynh mah thungpa ccaerarih lang ho khyh zah, thungpa lahtu (news reporters) hae paw nynh mah hoi te ho lah khyh hae. Tuh keiccuze ccungccaw patae nynh mah byakhianaw te tuanaw ruanaw patae a pousah vae hae. ‘Kim Jong Un’ a chii ccaccing lang thuaze, “Hung nynh mah amaw hanpaw uktu lang a tang ngaw”?
Atu lawlawse tuh ‘Kim Jong Un’ hanpaw uktu lang a tang kho ngaw hae, cite ccungccaw patae nynh a tua hae paw tuh ‘Kim Jong Un’ uno hae nynh thua ngaw cite a tua hae. ‘Kim Jong Un’ te a puikheih paw uno hae tuh; ‘Kim Yo-jong’, ‘Kim Jong-nam’, ‘Kim Jong-chul’ te ‘Kim Sol-song’ hae nynh thua. E hae lungkhu ze ‘Kim Yo-jong’ nynh oun tang mamin cih cite a tuase hae. ‘Kim Yo-jong’ tuh September 26, 1988 (Kum 31) nin a pui paw nynh thua. Amaw mah rang ukunaw kong rya (politician) lahtu nynh a thua.
‘Kim Jong Un’ konglan thangpa lahtu (news reporters) hae nynh ho kho khyh hae zah, North Korean hae nynh ‘Kim Jong Un’ konglan thangpa hoi te pousah kho khyh hae. ‘Kim Jong Un’ hynh ccuitoo cciinaw (hypertension) a hoi cite 2009 kong lya khe a ho bang vae hae. Amaw mah maezu a zu cite ccungccaw patae nynh mah a ho hae.
Kum takyh te a paaw puinaw (birthday) April 15 nynh mah poi tua kho vae khyh zah, ccungccaw zaepi malang mah langku vae khyh. Tuh keiccuze a cciinaw hynh myarya aru vae ngaw cite tuanaw patah a pou vae.
‘Trump’ nynh tuh ‘Kim Jong Un’ a chih ngaw cite a ho hae paw hynh hme ngaw khyh cite bua a hokii. Amaw te mah hoi te mang kae ccuepeku paw nynh thua, cite a ho. South Korean Official hlu ning nynh mah ‘Kim Jong Un’ a chih ngaw ciipaw thungpa hme khyh a cii hae. Thuasalama thungpa tuh hoi te pou lah khyh.
