Zo Raetapaw 
Innroi hynh laephi vawlan nin takhyh mawte pou sueku vae. Nin kheih lungkhu maw hein innroi patae sueku. A thaw rupaw te a thaw zyapaw nynh hung lae. Laephi vawlan innroi hynh dae bang vae khyh, suimala takyh kya mawte nynh pou sueku vae.
Atu lonaw lungkhu e innroi a thaw ruhuapaw tuh USA, Alaska State, Kaktovik kya-e nynh thua. Innroi a thaw rupaw hynh magnitude 6.4 cia cih zah, ccungccaw a chi paw te maw muih paw konglan tuh thungpa um khyh. Innroi a hypaw hynh ahmee 155 (miles) laelang cia hy zah, Alaska, Chiniak cia phe thua.
Thuasalama nulang lonaw ze Indonesia rang kyaze innroi sueku paw kya kha ccungccaw a chih paw mihlu houhouh oun lungchuih. Atu lonaw cia ccungccaw chih paw mihlu 436 phe cih vae. Inn hae, uhccaw hae a ropaw hynh phua langte tua lang ze dollar $342 million lae thang vae ngaw cite Indonesia accozah kya-e hae nynh ho hae. Maw muih paw hae te vawsaw tung paw ccungccaw hae houhouh oun lungchuih hae zah accozah mah myarya a vawsaw.
Akawlang e sakhung hae hynh atu lonaw lungkhu e innroi hae thua zah, a thaw rupaw magnitude 5.0 te athalang nynh thua.
