Zo Raetapaw 
Turkey rang kya ze khua leepi thuapaw, Ankara khuapi kya ukkunaw law khylang hrawpi tho zah, khuazi ccyh kya bom pawh paw te maethei roi, hrawtuknawpaw kar rou laanpi kya phe beih. Ccungccaw 161 chih hae zah, alunghua tuh Palibawi’ae nynh thua hae cite ho hae. Ccungccaw 1,140 lae maw muih hae zah, sizungpi lang ky hae.
Turkey hrawkaw kya ze zung kya-e hae 2839 blyn phe kung hae zah, vawzy te rhawtu paw rhawkawpw blyn tuh e a kungpaw hae kya a umbua cii hae. Suimala ccyh sisung a ro te Turkey President paw Recep Tayyip Erdogan nynh “rhawtho te uknaw luatu’ae tuh phe thang vae, ukkunaw tuh accozah kya maw nynh a um”, cite a ho.
Rhaw thotu’ae tuh Rhawkaw lungkhu kya e hae thua zah, abang rhawkaw’ae tuh Ankara City kya-e Pali’ae kalang oun kii hae.
President Erdogan nynh, “e uknaw luatu’ae kyaze a kyngtu paw tuh beihnaw langte rya laahpaw Fethullah Gulen nynh thua cih,” cite a hodei. Fethullah Gulen tuh Muslim Phunghotu’ae kya ze myarya a thaw saepaw luhkheih thuabua ci hae.
