Zo Raetapaw Sazae, Za Tou tuh Votuipaw nynh a thua. Amaw hyn Zotung rang kya Pachia bya lah ho lyaze Rungvaw tui nynh lah louza vaaw ccungccapaw nynh ”Na kuit dyngtua,” lah cih zah, thary ku lah kyng zah Suitung khuraw lang lah zua. A hoy thyhpaw uccaw te, Rovaw te Rezua lang e loilung kha re te phu zah, ”Loilung kae pya cih oh zah Pachia phung kae hopah cih oh,” cite Pachia bya lah phypaw Pastor nynh lah thua.
Baebu sia-inn a kae maw kya Lumbang laanpi lah sah lya hae ze, phe lah chih vae paw nynh lah thua. A phuku paw boei te hooy rarilang vah lung hae zah, vah isah hae. Tuh koute lah thoothui paw Pastor Za Tou nynh a thua. Abang hae nynh a chih, lah cii lya hae tuh a muisawpaw kha vaaw’ae nynh lah hoy hae zah, Votui khua te laephivaw balyn kha lah dosah hae.
Hynh e laephi kyate asopaw oun pou zah, ka do nga khyh, te Votui khua oun dosah ki hae zah a rahaepaw roi nynh ka thae, a cii. Tukoute vaawpaw nynh oun hopyapaw tuh, “Hynh e na mingphuin’ae kalan nang nynh na ho khyh ze hung mah a ho cih?,” oun cipya. Tukoute Baebu sia-inn lah kaepaw Pastor nynh athua.
December 8, 1955 kum, Hinthang khua khuakhangnaw kyate tazae hawlang lah khang hae. Pachia kya a phu-e koute Votui Baptist Kriccawbuu’ae nynh Rev. Za Tou Diamond Jubilee tuh ah tuapya hae.
December 8, 1955 kum, Hinthang khua khuakhangnaw kyate tazae hawlang lah khang hae. Pachia kya a phu-e koute Votui Baptist Kriccawbuu’ae nynh Rev. Za Tou Diamond Jubilee tuh ah tuapya hae.
(Syntaw: E ccaw hynh Pastor, Rev. Kaw Kung kyate ka mue paw nynh thua. Pastor paw tungvaw kyamah lungtuanaw aleepi ka hoy)
!!! Zotung Phungpaw (History) Kong Nyngchihpaw um ze biachih osih!!!
Facebook Comments
