Zo Raetapaw 
December 28 nin, Nawpi nin awkhua, Indonesia rang, Surabaya City kyate Singapore lan thokupaw AirAsia innzy/ vawzy QZ8501 tuh phe vae zah, atu cia muih kho lakhyh hae. Tuh e innzy/vawzy te thongpa thaekunaw a ruh mawze, innzy mungtupaw’ae kyate lukheih nynh, khuatui (weather) eih ru keiccuze houh hannaw te nynh innzy/vawzy kae mung cih cite Innzy/Vawzy Thingnaw Zong( Air Traffic Control) klang oun thaesah cite zong kya rya haepaw’ae nynh ho hae. Java Rihli (Sea) vawlan te ape 38,000 (ft) han te zy zah, arang kya-e sml 7:24 am kyate thongpa thaekunaw phe ruh vae.
Innzy/Vawzy lungkhu tuh Indonesia ccungccaw mihlu 155, South Korea ccungccaw lu 3, British lu kheih, French lu kheih, Malaysia lu kehih te Singapore lu kheih um hae cite innzy/vawzy kya rya haetu’ae nynh ho hae. Mikhia’ae lungkhu kyaze nusi (infant) lu kheih route ihmua’ae lu 18 umbua zah, innzy/vawzy kya rya lahtu’ae lu sarii umbua.
Mihkhia’ae kyate paw thongpa mah oun thua cite a ngawbiapaw’ae te a rahpaw’ae mah Surabaya Airport kya nynh mang dahung te a ngawbia hae.
Tinbaw/mohlung (ship) sah sarii te helikutar (helicopter) sah ning nynh mah awkhualan khuadae miakaw te ccung lante a paccyngku hae. Rihli kya apiaze laelung vawlan te mah ccung lante a paccyngku hae. Malaysia nynh phunawpaw mohlun (Vessel) sah thung te Singapore nynh vawzy/innzy sah kheih tuh ccungnaw lan paccyng hae zah, Australia te India nynh mah bungtu lanpaw sawpya lan a cih hae cite zong kya rya haetu’ae nynh ho hae. Nawpi (Sunday) nin kya a ccungtupaw’ae nynh ho hae zah, nawpi nin tuh khuatui nynh myarya ru zah, maeking te tuilih thopaw nynh pe (ft) takhua cia a han cite a ho hae.
Facebook Comments
