Zo Raetapaw
New York City kya-e Pali’ae lu nin tuh atu nin ninthu san khe ccungccaw hoileipaw lu kheih nynh maethei te phe chih lan kaw hae. Tuh e Pali’ae tuh kar (car) te rhawviapaw’ae (patrol) nynh thua. Pali paw Rafael Ramos tuh kar (car) mungnaw klang dahung zah Pali paw Wenjian Liu tuh ape (passenger side) kya nynh a dahung.
Tuh e Pali’ae tuh rhawvianawpaw mih kar (car) kyamaw nynh lu nin mawte phe chih hae. Ccungccaw lu kheih nynh mikhia dahungnaw (passenger side) klan te Pali paw kha oun ccianua zah maethei te avae phe lung lan a kaw hae cite a muihtupaw nynh Pali paw kya a hopya. Tuh koute tuh Pali’ae lu nin tuh mih hlu (head) kyamaw vah kaw hae zah phe chih vae hae. Maethei te a kawtupaw nynh raringkunaw mah pya khyh hae, bya mah lungty khyh hae zah, ruasua mawte/aru araeh mawte (ambush) a kaw rarypaw nynh thua cite Pali paw William Bratton nyn a ho. Maethei te a kawtupaw tuh Subway station (zathaa laanpi) pe khe amaw te amaw vah kawku zah a chihpaw a pyng kha a muih hae.
