Zo Raetapaw 
India rang, Mizo Pyine, Ngur khua taraw kya umpaw Zoming luh (11) (innbyng inn 7) ae’ tuh August 26 nin khe Khua piccang ae’ nynh khua kyate a de/pousah hae cite ny lan um.
Tuh e ae’ tuh Accozah nynh kheepaw arah hyngnaw te Accozah nynh kyngpaw thing ae’ kha aruh lante maehuih lan a uu hae keiccuze khua kyate a depaw hae nynh thua cite khualae e paw luh kheih nynh a ho.
“Tuh e ae’ tuh Accozah nynh kyngpaw eria(area) kya-e thing ae’ blyng kha maehuih lan uu hae, arah blyng kha aruh lante a hyng hae keiccuze a depaw hae nynh thua” cite khualae e paw luh kheih nynh a ho.
Khualae kya-e kaw hoitu ae’ nynh aruh lante thing ngenaw hae, arah hyngnaw hae konglan kha raringkunaw pei pya hae slama hopyapaw kaw ngae leite thing blyng buabua nge hae zah arah blyng buabua hyng hae cite ho hae.
Mizo rang tuh arah hyngnaw, zuanaw khee hae slama aruh lante buabua a hyng hae, a zua ki hae. Arah hyngnaw te zuanaw kya a lunghua tuh Zo ae’ nynh thua hae cite ny lan um.
