Vae rang te Poupaw B.E Neih zah Mizo rang kya Chihpaw Zo Ccungccaw Luh Ning
Zo Raetapaw India rang Mizo Pyine, thing aawnaw kya rya haepaw Zo ccungccaw luh ning tuh B.E arah a nia keiccu hae ze August saw 8 nin khe phe chih hae. Tuh e kya arah neihpaw ae’ tuh luh (3) cih hae zah arah neih kou hae te; Pau Khaw Lan cihkupaw tuh, tuh e khua kya maw phe chih, luh kheih paw tuh Zo rangri pee Rihkhawdar khua a thua koute phe chih.
Atu a hiinpaw luh kheih tuh a vue ccih mangccia cite a muihtupaw nynh a ho. A chihpaw luh ning ae’ tuh Vae rang Sagain Tai, Kalay Myo kya umpaw Tedim mingphuin thua zah a rua tuh Vae rang lan a ky hae cite ny lan um.
B.E palinn linn kheih hynh Vae rang tuh 1500 Ks te zua hae zah Mizo rang tuh plastit (plastic) thuh (6) lan bua tung hae zah thuh kheih ze India phua 200 Rupee te bua zua kho hae.
“B.E hynh nia lanpaw thua kheih, kaening thingrya(furniture) kae haepaw tuh ccapoi/ccaboi, thuhde ae’ tawnaw(polish) lan kae mangpaw nynh thua” cite thingrya haepaw luh kheih nynh a ho. Mizo rang kya hynh B.E neih hae zah a chihpaw ccungccaw patae a um vae cite Mizo Pali ae’ nynmah a ho hae.
Facebook Comments
