Zo Raetapaw 
Vae rang hlawsah minthang Jojar hynh vawpaw hoi vae cite thongpang myarya leih lung zema atu tuh thanccin hoi lan cih vae paw nynh lo.
Ccaccung ninthung nin 7daynews kya a hopaw tuh “zudy poi hynh December saw kae cipaw zemah nue lan bua ccang, hotuh cipaw ka ho kho lakhyh” a ci. Ccanvaepaw hynh mah min thangpaw lukheih nynh thua.
“ Zungzae hanlan ka zyng keiccu nynh ka poku. Zudy poi tuh beikinn khe awkhua ccyh kya tua athua cih zah zete ccyh kya zuenaw poi lante tua athua cih. Te, atu lya hynh Gospel hlaw mawcci nyh ka sah” cite a ho.
A unung Cindy te akhoi rae hae paw mah akhankuh thang vae , leih sahthya ae’ paw hlaw R&B te Pop a sunpaw nynh oun thua cih a ci.
Facebook Comments
