Noe Gracy te Tungkunaw

    ** Ka  puinaw khua tuh Nabung khua  nynh thua,, ka paaw min    U Ni  Uk  , ka nung    Daw   Shwe Kyi.

    2. Sia-inn na lah kaeboinaw khua te ccatan ny kae ry ?  

     ** Sia-inn ka kaeboinaw khua hae tuh,, tan cho te tan thung  cia   Nabung,   Tan pahli 4 te tan taria 8 cia Keko, Tan takua 9 te tan haw 10 Yangon(Hlaing),   မုံရြာစၤီးပြားေရးတကၠသုိလ္  te ka nuekuh zah,  atu tuh   ၇န္ကုန္စီးပြားေရးတကၠသုိလ္ kya nynh ka kae mangccia..
    3. Hlawsah hynh namaw thya lan na thyapaw tou? Athua khyh ze na ccangkunaw um zaw?     

    ** Hlawsah ka ccangkuh  bang khyh, ka di lya ze ka nung nynh yn hopya bang paw bya ccang kheih a ung, vate yn cipya mah ci lan ze,  kae ka nung hynh  ah vah liaccaw lya ze hlaw sahpaw hynh myarya ah vah hua,  te nynh, ccaaw vah sah te mah ka ccaaw hae hynh hlaw sahthyanaw lan, hlaw sah rynaw lan cite  Pachia kalan saw pi ka sangkuh yn cipya, kae tuh ka nung sawsangnaw  liate Pachia nynh hythua yn pyapaw cite nynh ka tua… 

     4. Pachia hlaw tou na ry hua? love song tou? Paw keiccu mou na ry hua?     

     ** Pachia hlaw te love song hynh  kae ka hanlan myarya a laepaw nynh thua, vapaw hlaw nynh ka  ryhua cite tuh ung khyh zah… Pachia hlaw ka sah ze tuh ka lung dae zah, thawzung mah houh ka  lawkuhthya.
     5. Ccavae hae nynh atu ccyh hynh ae hopya lan hae ze paw cihawpaw ozia te a ungthyapaw ccavae mou na ry cih?     

      ** Kae tuh Pachia raw rihpaw nynh ka ry.     6. Zotung mino zawthaw hae te  Mingphuin ccang hae mino zawthaw hae mih ozia na laesahnaw hae ung zaw?
    ** A ung cite nynh ka tua. Vamah cize, Mingphuin ccang’ae zawthaw’ae tuh mihmaw te mihmaw  myarya a ccuepekuhthya hae paw nynh ka lo sah.
    7. Minphuin ccangpaw te innbyng kheih lan tang lanze  paw ccyh kya mou ngaethyanaw  te na lung a di cih cite na tua?      

     ** Yn,……..Mingpuin ccangpaw te innbyng kheih lan tang lan zetuh, ccang kheih naw  innbyng kya thaekunaw  (byamangnaw) kya he a sei vae ngaw cite nynh ka tua, te vaeccaw sungsakunaw mah eih ungthya vae ngaw khyh cite nynh ka tua. 

     8. Zotung ccavae hae mih ozia na ry leinaw nyng hopah kho ve?    

     ** Zotung nung ka thua keiccuze Zotung ccavae hae mih ozia maw nyh ka ry.
     9. Atu hynh rangccang ung hae paw Zotung ccavae hae nynh parcel lan ae tawpaw ung lan ze pawte mou na leih cih hae, Sia-inn nae thang te paw rya law  lan mou na paccyngku?    

     ** Sia-inn ka thang lakhyh zah  vawpaw hoi lanpaw tuh  ka tuakuh lakhyh. Sia-inn ka thang te vapaw rya nynh ka law ngaw cite tuh ka tua khy, tuh zema kae thang te tuh ryalaw lan cite nynh ka tuaku.

     10. Zotung mino zawthaw liaccaw hae hynh paw cihawpaw ungtu ziazae mou na lungry thua?     

     **Kae ka lung rynaw tetuh, ka sungsah hae paw Zotung Liaccaw’ae hynh Pachia raw a rih hae paw, Nungpaw bya ngae te Minphuin sungsahthya hae paw Zotung mino zawthaw liaccaw hae lan myarya ka thuasah ry hae, ka lung kou tua.. 

      11. Kae khiapaw  a hooyte nae phipya keiccuze na tungvaw ka lungtua.                             

            Interview tuatu;  Rev. Bawi Uk