Zo Raetapaw Vae rang khua-innpaw India Accozah nynh Zo rang kaethungnaw hanlan American Dollar 6 millions (6,000,000) bung lan a cih cite ny lan um. Mandalay Myo India Consulate zong kyate Consul General Dr. Madan Mohan Sethi nynh July 27 nin khe Zo rang Hakha Myo lan thua zah Zo rang kaethungnaw hanlan American Dollar 6 millions bungnaw ka pya cih cite a ho cite a min hokuh ry leipaw Zo rang Accozah aphu kya-e luh kheih nynh a ho.
Tuh e phua tuh Zo rang lungkhu kya ngedangnaw, thyahawnaw te dooihkunaw kaethungnaw hanlan mang khylan bungnaw pyapaw nynh thua cite tuh e paw nynh a ho.
India Consul General paw tuh Zo rang Minister ae’, Khuanung Khuapaw abang te Hakha Myo Ministry zong kya tungkuh kou hae te Zo rang hanlan Dollar 6 millions kae bung cioh cite a hopaw nynh thua. Bungnaw pya lanpaw a ccyh tuh khya lakhyh hae zah ny kho um lakhyh.
Dr. Madan Mohan Sethi tuh Zo rang lan vae kheih naw yn thuapaw thua zah India Accozah kalante Zo rang hanlan bungnaw pya lan cite paccyngkupaw mah vae kheih naw nynh a thua.
2010 Pokunaw(Election) poi kya Zo Mingphuin hlucceihtu lante a taekuhbuapaw Chin National Party chairman U Zo Zam nynmah India Accozah kyate Zo rang hanlan bungnaw pya lan cite a paccyngkupaw ka thae zah ka lung myarya tua cite a ho.
“Zo rang hynh Vae rang lungkhu ze a dungthyahuanaw Pyine nynh thua, E hawte vawsaw tung ccyh lya Zo rang kaethungnaw hanlan India Accozah nynh bungnaw pya lan cipaw tuh lungtuanaw aleepi kae hoi zah lungtua te kae cciadue” cite Pokunaw(Election) U Zo Zam nynh a ho.
UNDP nynh ccazing lawnaw kyaze Vae rang lungkhu blyng kya Zo rang hynh a dungthyahuanaw Pyine nynh thua cite a pya/zei.
Facebook Comments
