Zo Raetapaw 
Motta Donal cikuhpaw tuh a lungry myarya lee zah myarya karangkuh. Ccungccaw ae’ nynh lahsung ccang kheih pya hae ze a lung ccing khyh zah ccang ning nae pya khyh oh cite a hothyapaw ccungccaw.
Pawpaw ccungccaw kya a lung ccing kho vae khyh keiccuze kamaw sah cihpaw khozi te lah tungkuh hae. Khozipaw nynh lah khia,
“Master Donal, paw mou na peki?”
“Inn hooypaw te mawtaw phe lypaw nynh ka ry.”
Khozipaw nynh “Na peki nang sah.” lah ci zah inn hooypaw te BMW mawtaw phe lypaw ccang kheih lah pya.
A Do tuh a ngae bua lah ngan khyh zah khozipaw nynh bua lah khia,
“Mr. Donal paw mou bua na ry ung?”
“USA dollar phua nynh phe chikuh lan ka ry.”
Khozipaw nynh “Na thaw sia nang sah.” lah ci zah USA dollar tuh thingkua kaw kheih lah pya.
A Do tuh a lung bua ccing lah khyh zah khozipaw nynh bua lah khia,
“Mr. Donal paw mou kou na pekihua? ahooyte tuakuh, nyathya kae khiapaw vae.”
A Do nynh khue kheih lah tuakuh koute,
“Khozipaw, kae tuh liaccaw miakaw nynh yn ry lan hae, yn raetua, tuh e maw nynh ka pekihua.”
Khozipaw nynh, “OK” lah cih koute Motta Donal kha aepaw chocolate lan moh lah rae vae.
Khozipaw nynh chocolate tuh do zah,
“ha..ha..ha.. atu nin kyate nang tuh liaccaw miakaw nynh ae ry vae cih hae” lah cih zah pou cciataw vae.
Facebook Comments
