Zo Raetapaw 
Laephivaw kya aepaw khing keiccuze aepaw mee houhouh kae zah abang ccungccaw hanlan vawsaw lan myarya um. Thuaslama Professor Eki Dar (Japan) nynh tuh tuh e vawsawnaw bung khylan cite ccungccaw ia kyate Vitamin protein (63%) umpaw saw kha a rae kho vae.
Japan rang kya aepaw mee houhouh a kae vae keiccuze abang ccungccaw ae’ hanlan vawsaw myarya um. Tuh keiccuze Tokyo Myo kya-e kaw hoitu ae’ nynh tuh e vawsawnaw hanlan ccihpan sazaepaw (Scientist) Eki Dar kalan bungnaw a ngiapaw hae te tuhawte ia kyate saw lan a raenawpaw thua.
Japan rang e ccihpan sazae ae’ hynh paleih panawpaw leih a raethyapaw hae khamah a nypaw ccungccaw myarya lung vae keiccuze tuhawte ia kyate saw lan raenaw khamah thawte tuh ngae-ang lanpaw thua vae khyh.
Ccungccaw ia kyate a raepaw hae saw hynh saw ccaccing cih vaetamin vyavya umpaw thua keiccuze a zoipaw thua khyh. Thuaslama tuh e saw tuh ccungccaw ia kyate raepaw thua keiccuze a aepaw ccungccaw a zya cih cite Professor Eki Dar nynh a ho. Pawpawte thua zema laephivaw kya aepaw mee houhouh oun kae zetuh tuh e saw kha lua te oun luakuh cih hae cite bua a ho.
Atu lya hynh tuh e saw tuh saw ccaccing laeze a mee leih haw ruhua. A rae takaw lya thua zah raenaw mee lan phua zema myarya thang keiccu nynh tu hawte a mee runawpaw thua. Thuaslama nyalang ccyh kyatuh saw ccaccing laeze a mee zoi lante zua a thua cih cite Professor Eki Dar nynh ho.
Facebook Comments
