Zo Raetapaw India rang kya Zo Baebu siangachia mihmaw te mihmaw chiakunaw konglan
April 13 nin, awkhua sml 5:00 loukaw, Kerala State, Tiriwala Myo kya Baebu sia-inn kaepaw Joseph kha sia-inn kaekheihpaw, a bangpaw Thomas nynh phe chia cite Baebu siangachiapaw luhkheih nynh a ho.
Thomas nynh Joseph kha a ryalawnaw Hawte(Hotel) lan, ryalaw sah bua khylan 12 nin khe kobua zah, zi kheih ih kheih koute awkhua lan awkhua tuh Hawte(Hotel) malan phe lah chia.
A chihpaw Joseph (Kum 26) tuh NBC Baebu sia-inn kya kum ning naw kaepaw nynh thua. Zo rang, Matupi pe Boirin kya-e U Lung Ka te Daw Te Ku hae ccahpaw thua zah, a theihtupaw Thomas tuh Zo rang, Paletwat lansang epaw nynh thua cite ny lan um.
Tuh e konglan tuh ny lan um lah khyh, a theihtupaw tuh Pali hae nynh kyng hae zah, byakhia a thua ung. A chianaw ahmin kyatuh lung ae’ balyn a chii te phe kaloukuh. A lu kya a maw a um cite a muihtupaw Baebu siangachipaw nynh a ho.
A chihpaw a rua tuh sizung lan khe a ky hae cite thae lan um.
Kerala State kya Zo mingphuin Baebu siangachia mihlu (100) lae a um cite ny lan um zah, phua elan mih vawsawpaw Zo Baebu siangachia abang hae tuh sia-inn khaw ccyh vaeze Sia-inn mee lan Hawte(hotel) kya ryalaw te phua ccung hae cite thae lan a um.
Facebook Comments
