Zo Raetapaw Haekhaw kya Rhawkaw Ccintang Mee Hanlan Innbyng ccangkheih ze phua 1000 ks a khoi hae
Haekhaw Myo kya rhawkaw ccintang hung te ccangpya nawlan Accozah ae’ nynh innbyng byng kheih ze phua 1000 ks a khoi hae. Rhawkaw ccintang hynh hung ccyh nin kyate mou ccangpya a thua cih cipaw hynh ny lan um lakhyh zema aromaw nin kya ccangpya athua cih cite ny lan bua um.
“Rhawkaw ccintang hynh aryn lya hawte a kum abeih vae hae paw (a khyapya hae paw kum) kha ko lan bua athua kho” cite U Van Lian nynh ho.
“Aryn lya tuh khua takyh te kum a ccing vae hae paw blyng ccintang kae lan cite kaw a khyapya hae. Ou, tuh hawte bua oun ko cih hae tah? Aryn lya a ko lahleih hae paw kha tah bua oun ko cih hae cipaw hothya um lakhyh” cite bua a ho.
“Atu hawte Accozah hae nynh rhawkaw ccintang hanlan a paccyngku hae paw hynh rhawkaw lan tee ry um khyh zema tee shade lan cite ccungccaw ae’ a sueluanawpaw tah thua” cite U Van Lian nynh ho.
Facebook Comments
